每年嘅電話費、煤氣費、水費、電費、差餉、管理費……唔少人交得手軟，但其實呢啲日常開支係可以用信用卡交賺回贈嘅！想賺到回贈，其實關鍵係用啱嘅支付工具，例如八達通錢包、AlipayHK、雲閃付。唔少信用卡係呢啲App做交易會有回贈，所以唔好忽略呢啲「隱藏優惠」。
目錄
政府類別費用
政府類別費用包括水務署、水費、稅務局、差餉地租，以及其他政府一般繳款單。最方便的方法係用八達通錢包配合渣打Simply Cash信用卡繳費。做法係先用Simply Cash信用卡自動增值八達通錢包，再用八達通錢包支付政府賬單。透過呢個方法可以獲得 1.5%現金回贈，而且手續費0%，每月增值額度 $10,000 已經足夠應付全年日常政府開支，非常簡單方便。
日常費用
至於電費、煤氣費、水費、差餉地租、學費等日常費用，可以用AlipayHK配合安信EarnMORE銀聯卡，可以獲得2%現金回贈，雖然有1%手續費，扣除手續費後仍可賺1%現金回贈。其次，如果你用雲閃付，同樣配合安信EarnMORE銀聯卡，都有 2%現金回贈，但手續費只係 0.6%，可賺1.4%現金回贈。
除咗八達通錢包、AlipayHK 同雲閃付之外，你仲可以用 Citi PayAll。Citi PayAll可以畀你用指定CitiBank信用卡直接繳費，你可以用佢支付租金、學費、家傭費、活動費等多種開支。Citi PayAll可以揀畀服務費，賺回贈，都可以揀免服務費，但冇回贈。佢有一個好處，可以延長繳費日期，俾你靈活安排資金，特別適合月初手頭唔夠流動資金嘅情況。以下Citi PayAll不同費用每月繳費上限：
| 類別 | 每月交易金額上限 |
|---|---|
| 家傭服務費 | HK$10,000 |
| 捐款 | HK$20,000 |
| 公共費用（例如水電煤） | HK$10,000 |
| 租金 | HK$50,000 |
| 私人課程學費 | HK$50,000 |
| 停車場費 | HK$10,000 |
| 管理費 | HK$10,000 |
| 裝修及維修費 | HK$100,000 |
| 婚禮費用 | HK$100,000 |
| 活動費用 | HK$50,000 |
| 旅遊費用 | HK$25,000 |
| 會費 | HK$20,000 |
| 貨物/服務費用 | HK$10,000 |
延伸閱讀：最佳信用卡推薦